Kasımpaşa Mevlevihanesi

Kitabesi;
Yazı Türü: Celî Ta’lîk
me fâ ilün me fâ ilün me fâ ilün me fâ ilün

Şehinşâh-ı zaman kutb-ı cihân Sultân Mahmûd’un
Kudûm-ı şevketidir fer veren evreng-i hakane
O hakan-ı velâyet menkebet mahzı kerâmetle
Virir ziynet nizâm-ı mülke şân-ı âl-i Osmâne

Husûsa rûh-ı Mevlânâ-yı Rûmî’ye idüp tekrîm
Yapıldı sâyesinde böyle nice Mevlevîhâne
Olaldan zerreperver ol şehin envâr-ı ihsânı
Döner hep Mevlevîler ta’li-i şems dırahşâne

N’ola âlem olursa sikke-pûş inkiyâdı hep
Virir nutk-ı hümâyûnı aceb te’essir fermâne
O şâhın devr-i ahdinde felek tennûre pûş olsun
Olup şevk-i tarab âyin-i merdüm ehl-i irfâne

Safâdan âsuman eyler sem’aı rûz u şeb elbet
Duâ-yı pâdişâhi olmada âdet ser ü şâne
Olur ehl-i velâyet na’thânı ol şehinşâhın
Virir sıyt-ı kudüm ü nây-ı lûtfi zib-i ekvâne

Güzâr etmişdi bir gün bu tarafdan ol şeh-i devrân
Kudûmüyle müşerref olmuş-idi kurb-ı Tersâne
Temevvüç eyledi deryâ-yı azab cûdi ol şâhın
Görünce oldugun bu dergehin her yanı virâne

Kapûdân[i] yem-i iclâlini bu emriçün ta’yin
İdince su-be-su döndü bu dergeh kasr-ı rıdvâne
İki destim duâya kaldırıp Zîver didim târih
Yapıldı kutb-ı âlem sâyesinde Mevlevîhâne

Ketebe: El-fakir Yesârîzâde Mustafa İzzet gufirelehu

1250