Saliha Sultan Sebili ve Çeşmesi

Yapılış Tarihi: H.1145 / M.1732 – 1733

Sebilin Batı yönündeki çeşmenin kitabesi:        
Menbâ’-î âb-ı zülâl-î merhamet
Lücce-î pür cûş-ı ihsân ü sehâ

Devha-î pür berk ü bâr-î saltanat
Şems-i ismet mâder-î zıll-î Hüdâ 

Vâlidê Sultan ki etmiş âlemê
Dest-i cûdun maksem-î âb-î atâ

Zikr ü fikri bâkıyât-î Sâlihât
Kârı hayrât-î hasendir dâimâ

Fî sebîlillâh nîce âsâr edüb
Eyledî kesb-i rızâ-yı Kibriyâ

İşte ezcümlê bu dilcû Çeşme kim
Teşne-lebdir Hızr u İskender anâ

Câri hâfızlar gibî her lûlesi
Sûre-î Kevser okur subh u mesâ

Mâ-hasal bu âb-ı canbahşâ ilê
Oldu şâdan rûh-i pâk-î Mustafâ

Ânı dâ cennette sîr-âb eyleyê 
Sâkî-î Kevser Aliyy-i Mürtezâ

Dîdiler âb-ı hayâtın vasfınî
Gûş edüb söylersin amma Vehbiyâ

Bâri bir mümtâz târih eyleyüb
Vâlide Sultânın iç hayrîna mâ

Sebilin Doğu yönündeki çeşmenin kitabesi:
Hazret-i Vâlide Sultan yânî
Mâder-î Hazret-i Sultan Mahmûd

Matla’-î şems-i hilâfet ki anın
Fer’idir sâye-i Hallâk-ı vedûd

Amel-î Salihâdır sâ’yi müdâm
Kârıdîr kesb-î rızâ-yi Ma’bûd

Havz-ı himmet kereminden memlû
Feyz-i refet eserinden meşhûd

İşte ezcümle bu âsârına bak
Lâzım ise eğer ityân-ı şûhud

Nîce kez yandı yıkıldı Galata
Gösterüb tab-ı ataş âteş ü dûd 

Kimse sû sepmedi illâ keremi 
Komadi teşne-leb-î tab-âlûd

Hacı A’mâ denilen semte edüb
Çeşme açmağa ilâc-ı bihbûd

Oldu bir hayra muvaffak ki olur
Ecri cennetteki havz-î mevrûd

Hem anın hem şeh-i devrânın ola 
Ömr-i Hızır ile zamânî memdûd

Oldu târihe sezâ ey Vehbî
Çeşme- î Vâlide-î Han Mahmûd

Sebilin kitâbesi:
Vâlide Sultân-ı âlî-şân-ı himmet-meşrebin
Ayn-i cûdundan gel ey leb-teşne şîr ü şekker iç

Devr-i İskender’de olsa Hızr derdi gösterib
İşte mâ aynü’l-hayâtı buldum ey İskender iç 

Tıfl-ı müdrik lûlesin vermezdi sedy-i dâyeye
Dîseler ister su iç isterse şîr-i mâder iç

Sû-be-sû gûyâ lisân-ı lûle ilê Çeşmeler
Çağlayub şerbet-fürûşân gibi derler anber iç

Sâhibü’l-hayrın duâsın sû gibî ezberle dê
İşte sû işte sebil istr vüzû et ister iç

Vehbiyâ târihin işrab et atâş-ı ümmetê
Gel sebîl-î Vâlide Sultan’dan âb-î Kevser iç