Arap Camii Şadırvanı

Arap Camii avlusunda yer alan mermer şadırvan, 19. yüzyılda ilave edilmiştir. Kitabesi şöyledir:

Devlette Mehmed Ali Paşa-yı yegâne,

Çok mansıbı ihrâz ile buldu şeref-ü şân.

Darphâne-yi Tophâne ve mâbeyn müşiri,

Ser-ʿasker-i sadr oldu niçe kerre kapudân.

Sıhr eyledi hem zâtını şâhenşeh-i â’lem,

Buldu niçe ikbâl-i niçe rifʿat-ü ʿunvân.

Bir âsaf-ı memdûh-u dilîr idi ne çâre,

Âhir anı da kıldı hebâ şîve-i devrân.

Ol dâver-i zîşânı ecel gâʾib edince,

Hatırları kıldı elem-i hicri perişân.

Ruhu içün ecr-ü hasenât etmeye tahsîl,

Oldu harem-i muhteremi vâsıta-cûyân.

Yaptırdı bu sarınc ile şu şadırvanı,

Âd oldu ʿArab Câmiʿi semtindeki sükkân.

Şu zahmeti çekmede idi erdi refâha,

Bi’l-cümle ahali -i mahalle ile ʿatşân.

Hakkâ ki güzel hayr-ı ʿazîm oldu yerinde,

Şâmil eser-i lütfı ben-î Âdem’e her ân.

Hak yoluna bu âb-ı revân işte revândır,

Alsın su tavazzî edip içsin gelen insân.

Gördükçe cihân halkı menâfiʿ bu eserden,

Elbette Hudā ecr-i cezîlin eder ihsân.

Merhûm olup mağfiret-i rahmete vâsıl,

Ser çeşme-i Kevser’den ilâhi ola reyyân.

Hem zevce-i zî-şânı o sultân-ı mükerrem,

Çok hayra muvaffak ola durdukça bu ekvân.

Hem duhter-i saʿd-ahteri ikbâl-i şerefle,

Âlemde bula ʿâfiyet ü ʿömr-i firâvân.

Bu beyt ile atşânı Senîh eyle ki tebşîr,

Her mısraʿı târîh-i tamâmın eder iʾlân.

Buldu suyunu şadırvan oldu bak inşâ,

Sarnıcı metîn kıldı binâ’ Âdile Sultân.

sene H.1285/M.1868/1869

✶ İlişkili Yerler

Arap Camii

Cami, Kilise ve Manastır