Saliha Sultan Çeşmesi, Seyyid Ömer

Yapılış Tarihi: H.1148 / M. 1735 – 1736

Kitabesi;
Hidîvv-i muhterem sultân-ı âlem dâver-i Ekrem
Hudâvend-i muazzam Hân Mahmûd-ı felek-unvân

Hemîşe mâder-i ismet-medârı saʽy edip hayra
Cihânı sû-be-sû âb-ı zülâle eyledi reyyân

Bu âb-ı menbaʽından şehre icrâ eyleyip kıldı
Susuz çok çeşme-sârı hisse-yâb-ı Zemzem-i ihsân

Emîrler Tekyesi kurbünde bu nev çeşme-i pâki
Yapıp âl-i Resûlün eyledi ervâhını şâdân

Edip dâim muvaffak mâderin âsâr-ı hayrâta
Şehinşâh-ı cihânın sâyesin memdûd ede Yezdân

Zebân-ı lûleden gûş eyledim târîhini Rûhî
Suvardı âlemi kandırdı sûya Vâlide Sultân

Ayna Taşı Üstü;
Âb-ı sâfı içelim Bismillâh

Sol Küçük Çeşme Üstü;
Gel Vâlide Sultâna duʽâ eyle iç su

Sağ Küçük Çeşme Üstü;
Hak yoluna bu çeşme-i pâkîzeyi yapdı