Hafız Ahmet Paşa Çeşmesi

Banisi: Köprülüzade Hafız Ahmed Paşa

Yapılış Tarihi: H.1145 / M.1732-1733

Kitabesi;

Mâder-i Sultan Mahmud hayyir-i hayr-ün-nisâ
Tac-ı ismet dürret-ül-iffet selâtin-i ifaf

Cûş idüp deryayı hayri teşnegâr-ı âlemi
Eyledi sîrab-ü ereyyar çün bi-kadri iktitaf

Bu keremden hissedar a’lâ vü ednâ sû-be-sü
Oldu müstagrak-ı râhat işte halk bi-hilâf

Kabataş, Tophane Kasımpaşa ma’mur oldular
Böyle hayrat-ı azim-üş-şan ile kıl i’tiraf

Her ricali Devlete bir çeşme ihsan eyleyüp
Eyledi Ahmed Paşayı da bu hayre müzaf

Öyle Ahmed Paşa kim hânedan-ı Devletin
Bendesidir ol vezir ibn-i vezir ehl-i musaf

Padişah-ı nub-i meskûnun nişan-ı adline
Oldu tevkiî zaman-ı adli virdi inkisaf

Hazret-i Sultan Mahmud ibn-i Sultan Mustafa
Halled Allah ömrehû Sultanehûb’-il iktitaf

Han bin Han Âl-i Osman mâlik-i rû-yi zemin
A’zam-i Hakan Şehinşah-ı cihan Sahib-siyaf

Çaker-i ednâsıdır Keyhusrev-ü Dârâ ve Cem
Âsitani devletidir cümleye câ-yi mütaf

Valide Sultan bir hayre muvaffak oldu kim
Devlet-i evvelde mebuk olmadı bi-ihtilaf

Dergehinde kıl kabul hayr-i celil-üş-şanını
Neccinâ yevm-ülkıyam yâ Rabbenâ mimmâ nehaf

Behcetî atşana tarih-i hitamın söyledim
Çeşme-i Ahmed Paşa oldu câri âb-ı saf