Rukiye Kadın Çeşmesi

Yapılış Tarihi: H. 1151 / M. 1738-1739

Çeşme Üzerindeki Kitabesi;
Duhter-i Sultân Ahmed Hân Firdevs-âşiyân
Ol Hatîce nâm ü şân Sultân-ı ismet-münşiyâ

Azm-i huld etdikde rûhi içün bu âli çeşmeyi
Mâder-i pâki Rukiyye Kadın etmişdir binâ

Ravza-i cennetde nûş-ı Kevser-i Tesnîm edip
Rûhunu şâdâb-ı bahr-i mağfiret kılsın Hudâ

Teşnegân Şâkir okurlar su gibi târîhini
Gel zülâl ü Zemzem iç bu çeşme-sâr-ı nûra mâ

Pencere Üzerindeki Kitabesi;
Bir Hatîce nâm ü şân azm eyledikde cennete
Duhterân-ı Hazret-i Hân Ahmed-i mağfûrdan

Mâder-i pâk Rukiyye Kadın icrâ eyledi
Rûhuna bu âb-ı sâfı çeşme-i kâfûrdan

Ravza-i cennetde nûş-ı Kevser-i Tesnîm edip
Vâye-dâr ola revân-ı pâki bezm-i hûrdan

Şâkirâ hatm-i duâ ile dedim târîhini
Mâ’ zülâl-i Zemzem iç bu çeşme-sâr-ı nûrdan