Zevki Kadın Sıbyan Mektebi Çeşmesi

Yapılış Tarihi: H.1169 / M.1755 – 1756

Kitabesi;
Şehenşâh-ı semâhât-keş-ü zıll-u’llâh hayr-endiş
Cenâb-ı Hazret-i Sultân Osmân-ı kerem-fermâ

Dırahşan-ı gevher-i bahr-i hilâfet menba’-ı re’fet
Şeref-bahşâ-yi taht-ı saltanat Hakân-ı adl-ârâ

Ne şahenşâh ki tahsil-i rızaullaha talibdir
Ne şahenşâh ki mazhar eylemiş tevfikine Mevlâ

Hulûs-i kalbine burhân-ı vâzıhdır o Hakânın
Ki cümle bendegânı mâil-i hayratdır hattâ

Şebistân-i hârim-i hassının perverde-i insi
Yegâne dürr-i ismet şeb-çerâg-ı perde-i ulyâ

O yektâ iffet-i gevher-kârin-i pertev-i şevket
Üçüncü kadın ol âli-güher bânû-yi bâ-takva

Veli-ni’meti ya’ni o Şahenşah-ı zî-şânın
Atâsından olub bende cû eltâf-ı lâ-yahsâ

Muvaffak oldu ihsân-ı hümâyuna olub şâyan
Rızâullah içün bu çeşme-sârı eyledi inşa

Hüdavend-i cihan-bânın olub ikbâlini rûz-efzûn
İde bânisini Hak sâyesinde mazhar-ı i’tâ

Emînâ mısra’-ı târihi hem-kadr-i cevâhirdir
Üçüncü Zevki Kadın kıldı icrâ gel zülâl iç mâ

✶ İlişkili Yerler

Zevkî Kadın Sıbyan Mektebi

Sıbyan Mektebi