Sultan II. Mahmut Nişan Taşı 1, Yıldız

Ḥażret-i Sulṭān Maḥmūd Ḫān-ı S̱ānī kim anuŋ
Dāʾimā ekdār-ı ʿālem dergehinden dūr ola

Pertev-i cūd-ı vücūdıyla cihān buldu fürūġ
Sāye-i luṭfuyla dünyā ser-te-ser maʿmūr ola

Böyle bir ehl-i hüner şāhı cihān görmüş değil
Cümle dil-ḫvāhı ile yā Rab hemān mesrūr ola

Şimdi ez-cümle bu cāy-ı ḫurreme teşrīf edip
Kim ṣafā-yı bāl ile tabʿ-ı kerem pür-sūr ola

Hem ḳıtāl-i fī-sebīllāhı nāsa remz idüp
Niyyet-i ḫāliṣle her bir dānede mecūr ola

Emr ḳıldı kim ṭoḳuzyüzyirmibeş taʿdād olup
Bir naʿāme beyżası vaż’ ola kim manẓūr ola

Destine alıp tüfeng-i nāmdārı şevḳ ile
Ḳırdı altı ḥamlede düşmanları maḳhūr ola

Şeş cihetde bārekallāh ṣıytı tuttu ʿālemi
Maẓhar-ı tevfīḳ-i Ḥaḳ’dır ṣanma kim maḳdūr ola

Şākirā ancak mücevher yaḳışır tārīḫine
Pāre pāre beyże-i aʿyān-ı düşmen kūr ola
1226 

Kaynak: Osmanlı Kitabeleri Projesi