Kethüda Mehmet Paşa Çeşmesi

Yapılış Tarihi: H.1131 / M. 1718-1719

Kitabesi;
Cenâb-ı âb-rûy-ı saltanat Sultan Ahmed kim
Odur Hızr-ı zamâne pâdişâh-ı maʽdelet-fermâ

Şehenşâh-ı mekârim-pîşe kim eyyâm-i adlinde
Bi-hamdillâh ser-â-pâ oldu maʽmûre bütün dünyâ

O hâkân-ı zamânın âsef-i dâmâd-ı zî-şânı
Vezîr-i aʽzam İbrâhim Paşa-yı cihan-ârâ

Duâ-yı halkı isticlâb için şâh-ı cihan-dârâ
Hezâr âsâr-ı hayrât-ı cezîle eyledi peydâ

Zamânında birer hayra muvaffak oldular cümle
Bekâ-cûyân-ı ikbâli ricâl-i devlet-i uzmâ

Husûsâ kim vekîl-i saltanat sadr-ı kerem-kârın
Mükerrem sıhr-i zî-şânı Mehemmed Kethüdâ Paşa

Bu mevkiʽ muttaliʽ-i mihr ü cûd-ı pâki olmakla
Verip su fî-sebîllillâh atâşı eyledi irvâ

O gûne çeşme bünyâd etdi kim âb-ı firâvânın
Ki böyle hayr-ı cârîye muvaffak eyledi Mevlâ

Kabûl edip Cenâb-ı Hak bi-hakk-ı sûre-i Kevser
İde bânîsine ecr-i cezîl-i bî-hisâb iʽtâ

Onun Şâkir bu mısraʽdan çıkar yek-pâre târîhi
Mehemmed kıldı Allâh aşkına mâ-i zülâl icrâ