Çeşmeyi yaptıran Müderris Arapkirli Yusuf Efendi’dir.

Yapılış Tarihi: H. 1171 / M. 1757-58

Kitabesi;
Menbaʽ-ı ayn-ı inâyet maksem-i cûd u kerem
Hazret-i Yûsuf Efendi âb-rû-yı izz ü şân

Dâima icrâ-yı enhâr-ı mekârimdir işi
Tabʽ-ı pâki su gibi hayrâta mâildir hemân

Eyleyip irvâ utâş-ı ehl-i hacâtı anın
Çeşme-sâr-ı lûtfu verdi âb-ı Kevser’den nişân

Mevkiinde eyledi icrâ bu ayn-ı Zemzemi
Verdi ebnâ-yı sebîle âb-ı tâbı taze cân

Öyle âb-ı sâf kim teşbîhe olmaz mâ-sadak
Misli safvette letâfette meğer rûh-ı revân

Seyr-i tarh-ı çeşmesi dil-teşneye verir hayât
Can-fezâdır lezzeti mânend-i âb-ı hüsn ü ân

Râifâ hayrât bânîsin Hudâ makbûl edip
Eyleye dâreynde sîr-âb-ı feyz-i Müsteân

Nîce hayrât u meberrâta muvaffak eyleyip
Nev-be-nev âsâr-ı pâki ola câri her zamân

Cûdını îmâ eder atşâna târîhi tamâm
Al Hüseyn ile Hasen aşkına iç mâ’-i revân

✶ Medya