Tamir Tarihi: H. 1195 / M. 1780-81

Tamir Kitabesi;
Şimdi tamir olunub Cami-i Dülger-zâde
Yapdı yanında onun çeşme-i âli-bünyân

Allahül-hamd ki ma’mûr olub ol beytullah
Oldu zemzem gibi çok kimse bu sudan reyyân

Cereyân eyleyeli ab-ı safâ-bahşâsı
Suyunu buldu ser-çâr sûy-ı haffâfân

Az değildir ki letafetde bir içim su diyem
Nehr-i câri kadar etmekdedir abı cereyân

Dest-i erbâb mekârim gibi tası pür-hûd
Bûs ederse n’ola ebnâ-yı sebil onu her ân

Hızır eğer uğrasa bu çeşme-i can-bahşâ gece
Zulmet-i şeb’de sanırdı suyun ab-ı hayvân

Hayli döküldü saçıldı bu su Allah yoluna
Kıldı baniyesi için kesb-i dua-yı atşân

Halkı etdikçe bu ser-çeşme-i câri irvâ
Sahibin Hakk ede sir-âb-ı zülâl-i ihsân

Söyledi safvet-i tab’ ile Sururi tarih
Çeşme-sâr eyledi câri yine Esma Sultan

✶ Medya

✶ İlişkili Yerler