Yapılış Tarihi: H. 1153/ M. 1740-1741

Kitabesi;
Bahr-i mevvâc-ı kerem Hazret-i Sultân Mahmûd
Lûtfuna nisbet ile katre değildir deryâ

Eyledi Hazret-i Hak ol şeh-i âlî-bahta
Böyle bir dürr-i girân-mâye vezîri iʽtâ

Kân-ı feyz-i güher ol âsaf-i vâlâ-himemin
Ahd-i adlinde suyun buldu umûr-ı dünyâ

Fâtihin türbe-i pür nûruna ol kân-ı kerem
Târafeyninde iki çeşme-i nev kıldı binâ

Rûh-ı mağfûr-ı Ebu’l-fethe çü mürg-i kudsî
Bu iki çeşme cenâheyn ola uçmağa sezâ

Hak bu kim mevkiʽini buldu bu hayr-ı cârî
Nâil-i ecr ide bânîsini Hayy ü Dânâ

Evvel âbın içip ondan dedi Niʽmet târîh
Maksem-i ayn-ı atâ çeşme-i Ahmed Paşa

✶ Medya

✶ İlişkili Yerler