Yapılış Tarihi: H.1193 / M.1779 – 1780

Kitabesi;
Dürretü’t-tâc-ı kerem duhter-i Sultân Ahmed
Menbaʽ-ı cûy-ı âtâ Hazret-i Esmâ Sultân

Yapdı bu çeşme-i dil-cûyu rızâenlillâh
Teşnegân-ı ümemi eyledi yekser reyyân

İki cânibde iki çeşme olup iki cenâh
Etdi kuş gibi bu hayr evc-i kabûle tayrân

Eyleyip cümle-i hayrâtını makbûl-i Hudâ
Katre-i âbı kadar ede sevâbın ihsân

Zevci merhûm vezîr-i aʽzam Muhsinzâde
Rûh-ı pâkin ede Hak nâil-i ecr ü gufrân

Dedi itmâmına Tevfîk-i duâ-gû târîh
Dil-güşâ kıldı bu nev çeşmeyi Esmâ Sultân

Güzîde binti Sultân Ahmed Esmâ nâm Sultânın
Müdâm efzûn edip ömrün kederden hıfz ede Mevlâ

Binâ edip bu dil-cû çeşme-sârı fîsebilillâh
Atâş-ı ümmeti âb-ı keremle eyledi irvâ

Hemân su yerine sîm ü zeri harc eyleyip her sû
Gümüş sûyu gibi bu mâ’-i sâfı eyledi icrâ

Gelen âbdest alıp çıksın musallâda duâ etsin
Ede ömrün füzûn Abdülhamîd Hânın heme Mevlâ

Edip vird-i zebânı zevci Muhsinzâde Pâşayı
Duâ-yı hayrdan anı ferâmuş etmedi aslâ

Dedi Tevfîk âbın nûş edip atşâna târîhin
Bu zîbâ çeşmeden iç besmeleyle âfiyet-bâdâ

✶ Medya