Hacı Beşir Ağa Sebili ve Çeşmesi
- Tür: Çeşme, Sebil ve Selsebil
- Kültür: Osmanlı
- Yüzyıl: 18. yy
- Bölge: Türkiye, Marmara Bölgesi, İstanbul, Fatih, Alemdar
Yapılış Tarihi: H.1157 – 1158 / M. 1745 – 1746
Sebilin Kitabesi;
Hidivv-i dâd-meşreb âb-rûy-ı saltanat yaʽnî
Cenâb-ı Hazret-i Sultân Mahmûd-ı felek-dergâh
Mahall ü mevkiʽinde bunca hayrât eyleyip inşâ
Ser-â-pâ-yı cihânı kıldı âbâdan o şâhenşâh
Onun de’b-i şerîf ü mesleğin der-pîş edip işte
Bu rûh-efzâ sebîli yapdı ağa-yı mekârim-hâh
Ağa-yı ekrem-i Dârüssaâde menbaʽü’l-hayrât
Cihân-himmet el-Hâc Beşîr Ağa-yı âlî-câh
Verip nûş eyleyen atşâna feyz-i lezzet-i câvid
Bu su âb-ı hayâtın hükmün icrâ etmede billâh
Vürûdu Selsebîlin menbaʽındandır bunun yâhûd
Çıkar mecrâsı havz-ı Kevsere mânendi-i şeh-râh
Halâvetde şeker-levn ü safâda şîrdir ammâ
Mizâc-ı dil-keşinde müstekîn hâsiyet-i dîmâh
Olup târ-ı eşiʽa fil-mesel zencîrîn-i zerrîn
Ona şâyeste sîmin gözeler arz etse mihr ü mâh
Bu âb-ı dil-keş ebnâ-yı sebîli seyr kıldıkça
Olâ şâdâb-ı devlet ol ağa-yı ârif ü âgâh
Atâş-ı âleme târîhin işrâb eyle ey Rahmî
Gel iç mâ’-i hayât-ı dil-küşâyı fî-sebîlillâh
Çeşmenin Kitabesi;
Hân Mahmûd’a muʽîn olsun hemîşe lutf-ı Hak
Âb-rûy-ı enbiyâ feyz-i seher-gâh aşkına
Devletinde etdi bu ayn-ı musaffâyı revân
Hazret-i ağa-yı zî-şân ol şehenşâh aşkına
Hâdim-i Dârüssaâde Ağası el-Hâc Beşîr
Eyledi irvâ atâşı ol iki mâ’ aşkına
Rahmîya berceste bir târîh-i tâm ister ona
Gel gel iç bu çeşme-i dil-cûdan Allâh aşkına