Kaptan İbrahim Paşa Sebili

Yapılış Tarihi: H.1120 / M.1708-1709

Kitabesi;
Hâcı İbrahîm Paşa menbâʽ-ı bahr-i kerem
Kâpudân-ı asr-ı Sultân Ahmed-i behcet-asîl

Şâh-ı vâlâ-menkabet Dârâ-yı İskender-hadem
Pâdişâh-ı rubʽ-ı meskûn hâdim-i beyt-i Halîl

Adl ü insâf ü zekâ vü rüşd-i zâtın fehm edip
Âsaf-ı yektâ Ali Paşa’yı etdikde vekîl

Vakt-i endekte Nizâm’ül-mülkü mensî eyledi
Hüsn-i tedbîrinde hak bu olamaz ana adîl

Kâʽbe-i maksûda ashâb-ı safâ saʽy eylesin
Çünkü oldu râh-ı Hakka istikametle delîl

Âsaf-i sânî çerâğ-ı rûşen-i paşayı gör
Lemʽa-pâş ola İlâhî kevne tâ rûz-ı rahîl

Hayr-ı mahz idi vücûdu mahz-ı hayra sarf edip
Fî-sebilillâh su gibi mâlını etdi sebîl

Bu sebîl ü câmiʽ ü hammâmı hayrât eyledi
Rûz-ı mahşerde vire Bârî Hudâ ecr-i cezîl

Zevrak-ı ikbâli seyrân eyledikçe âlemi
Seyl-i bârân-veş ola a’dâsının ömrü acîl

Ferdi-i şîrîn-edâ târîh-i itmâmın dedi
Yapdı İbrahîm Paşa ayn-ı Zemzem’dir sebîl