Mihrişah Valide Sultan Çeşmesi, Üsküdar
- Tür: Çeşme
- Tema: Kadın Baniler
- Kültür: Osmanlı
- Yüzyıl: 18. yy
- Bölge: Türkiye, Marmara Bölgesi, İstanbul, Üsküdar, Zeynepkamil
Yapılış Tarihi: H.1206 / M.1791 – 1792
Kitabesi;
Cenabı Valide Sultan
Rıza cû-yi Hüda müstağrak–ı ihsanıdır ekvân
İnayet menba’ı Sultan Selim’e mehd-i ulyâdır
Acebmi cûyidbâr-ı lûtfu olsa böyle bî-pâyân
Füyûzat-ı himemdir muktezâ-yi meşreb-ı sâfı
Hulusiyle ider icrâ-yi şükr-i ni’met-i Yazdân
Sebîl-i Hakda ez-cümle idüb bu çeşmeyi bünyad
Zülal-ı cûdi kıldı teşnegan-ı himmeti reyyan
Bu câ-yi behcet-efzâyi kılub cennet gibi şadab
Sanırsun selsebîlin aynın itdi sû-be-sû cuyan
Sevabın Fâtıma Sultana ihdâ eyledi tâkim
Kenar-ı âb-ı kevser de olsa ola etrafa feyz-efşân
O hür-i ayne hemdem duhter-ı pâkîzesi zîra
Henüz ma’sum iken itmişdi azm-ı ravza-ı rıdvan
Revân itdi ana sir-ü şeker-ves iste âb-ı sâf
Ki çuş-ı şevkatiye ruh-i pâkin eyleye şâdan
Suyun âb-ı hayat-âsâ içen ol çeşme-i feyzin
Olur böyle duâ-yi hayri icrâ eyleyüb şükran
O cennet de safâsında bu devletde ola bâki
Hüdâ Sultan Selim’e eyleye hem ömr-i Hızır ihsan
İki târih yazdım Vehbiyâ bir beyt-i dil-cude
Safa ile akar su gibi ezber itmeğe şâyan
Revandır Fâtıma Sultan rûhuna o âb-I saf
Bu aynı itdi cârî bahr-ı cûd-I Vâlide Sultan