Damat İbrahim Paşa Çeşmesi, İskenderpaşa
Orta Çeşme olarak da bilinir.
- Tür: Çeşme
- Kültür: Osmanlı
- Yüzyıl: 18. yy
- Bölge: Türkiye, Marmara Bölgesi, İstanbul, Fatih, İskenderpaşa
Tamir Tarihi: H. 1132 / M. 1719-1720
Kitabesi;
Cenâb-ı zıll-ı Hak Sultân Ahmed Hân Gâzî kim
Odur şimdi serîr-i saltanatta hüsrev-i yektâ
O hâkan-ı kerîmü’ş-şânın ecdâd-ı izâmından
Azîmü’l-menkıbe Sultân Süleymân Hân-ı adl-ârâ
Guzât-ı dîni reyyân-ı zülâl-i lutf edip gerçi
Binâ kılmıştı bunda çeşme-sâr-ı bî-bedel ammâ
Velîkin zîb ü zîverden olup ârî vü âzâde
Nazarda sâde-rû bir hûb-ı sengîn-dil idi gûyâ
Süleymân-ı zamânın âsâf u dâmâd-ı zî-şânı
Vezîr-i aʽzam İbrâhîm Paşa-yı kerem-pîrâ
Görünce fırka-i Bektâşiyânın cümle ebvâbın
Müzeyyen olduğun envâʽ-ı ârâyişle ser-tâ-pâ
Rıza göstermeyip tâb-ı kerem-muʽtâd-ı pür-cûdu
Hemân tecdîd ü taʽmîrine emrin eyledi icrâ
Zer ü sîmin akıttı su yerine fî-sebîlillâh
Zülâl-i birr ü ihsânıyla kıldı âlemi irvâ
İlâhî rahmeti efzûn olup Sultân Süleymân’ın
Ola şevketle Sultan Ahmed-i adl ü serîr-ârâ
Şehinşâh-ı cihân ile vezîr-i aʽzamı yâ Rab
Mukîm et burc-ı devlette hemîşe mihr ü mâh-âsâ
İki târîh edip küncîde bir beyt-i dil-âvîze
Bu üslûp üzre kilk-i tabʽ-ı pâkim eyledi imlâ
Eden ihyâ yeniden çeşmesin Sultân Süleymân’ın
Müeyyed âsaf İbrahim Paşa’dır için sıhhâ